بالتعاون مع موضوع اخونا Juvestar® .. شاركونا التنافس

[Edbai]

بسم الله نبدأ ..

طبعا الكل يعرف موضوع اخونا Juvestar® في المملكة المفتوحه (( .: صورة اليوم :. ))

وهذا الرابط: صورة اليوم ([Only Registered Users Can See Links])

الفكرة بسيطه ..
تختارون أي صوره حبيتوها من الموضوع ..
وتصممون عليها او اتدخلونها في تصميمكم ..
وتقدرون اتدخلون أكثر من صوره في تصميم واحد ..
ومسموح لكل عضو اكثر من تصميم ..

بختصار ابغي تصاميم .. بس من خاطركم .. مب تحصيل حاصل :)


** واسمحلي يا بومحمد .. سحبنا موضوعك في تنافسنا :)

[Juvestar®]

كم هو جميل أن يرتبط موضوعي بأبداعات الأعضاء، وأتشرف بتكريمي بهذا الشكل الجميل والذي يدل على إبداع
Edbai في الإستفادة من مشاركتي بشكل يثرى الإبداع، ومسؤولية إختيار الصور زادت تعقيداً.

وكان الله في عوني، ولكني سأسعد في مشاهدة إبداعات الأعضاء.

[سفيرة الملك]

ثالث مره أدخل الموضوع لأنه الفكره عيبتني وتحسب لك مشرفنا

بس للأسف أنا مب من هواه التصميم
أحب أتابع بس
بس أتمنى من أعضاءنا المبدعين المشاركه
موضوع يستهل الواحد يشارك فيه، وصور Juvestar® يستحق إنه الواحد يصمم عليه من روعتها وغرابتها

فلا تجعل الفرصه تفوتك صمم الآن

:thumb_hap

[مخلص شرجاوي]

الفكرة حلوة الصراحة

بس أنا حالتي من حالة شرجاويـــــــة....ما يخصي بالتصاميم والتواقيع

[Edbai]

Juvestar® .. تستاهل اكثر يا بومحمد .. احنا امقصرين .. ووجودك في الموضوع ومتابعتك اتهمني .. لأنّك مشترك فيه .. موضوعك بيكون المصدر :)



شرجاويــــــــة .. مخلص شرجاوي .. مشكورين على إطراءكم وتشجيعكم .. والتنافس يستاهل محاولاتكم .. ولا شو رايكم؟؟ ;)

[سفيرة الملك]

الرسالة الأصلية كتبت بواسطة Edbai




شرجاويــــــــة .. مخلص شرجاوي .. مشكورين على إطراءكم وتشجيعكم .. والتنافس يستاهل محاولاتكم .. ولا شو رايكم؟؟ ;)

فالك طيب مشرفنا
ولا إني بشوه صور Juvestar® الحلوه بس راح أصمم لأن صدق صور تستاهل الواحد يتعب عليه
وإن شاء الله خلال هالأسبوع راح أحاول:thumb_05: [/B]

[Edbai]

لين الحين ماشفنا تصاميم :)

[سفيرة الملك]

مشرفنا
اتريا علي شوي
لأن عندي مشكله في برنامج الفوتوشوب

السبت أو الأحد بالكثير راح أنزل التصميم

[Edbai]

يالله انا غلبتكم .. وهذا تصميم بسيط من معرص صور اخويه Juvestar ..
وهي عبارة عن صورتين ( البنت + الروزه ) وبعض الرتوش الخفيفه منّي

[Only Registered Users Can See Links]

[سفيرة الملك]

احم احم

مشرفنا

نفذت طلبك وحاولت أصمم بس أعتقد ما يخصني في التصميم
وهذا الدليل

[Only Registered Users Can See Links]

[Milano Tiger]

صبروا علي...توني أشوف الموضوع!!!!
يا أخت Edbai اذا شي مواضيع تتعلق بالتصميم خبروني تراني ما ألحق اتابع كل المواضيع مرة....!!!
تراني أموت بالتصاميم :)

[سفيرة الملك]

الرسالة الأصلية كتبت بواسطة Milano Tiger

يا أخت Edbai


عذرا
Edbai مشرفنا:thumb_07:

وفالك طيب ^_^
وبانتظار تصميمك Milano Tiger

[Milano Tiger]

تصميم على السريع (شغل عشر دقايق تقريبا)
لو دريت عن الموضوع قبل كان بيكون هناك تصاميم أحلى
[Only Registered Users Can See Links]

[Edbai]

شرجاويــــــــة >> ياسلام عليج .. فكرتج اتجنن اختيه ..
وبطمع وبطلب منج اتصميمين واحد ثاني :)


Milano Tiger ... أفا عليك بس .. واسمحلنا ما خبرناك .. وتصميمك رائع ودقيق .. ندريبك مبدع ماشالله عليك .. ويالله انتظر تصميم ثاني منك

[Milano Tiger]

والثاني ورا الأول.......
بصراحة، الصورة كانت تغريني وايد (في خاطري أشخط عليها بالفرشاة)
الصورة قالت لي : تعال لونّي!!!! و أنا لونتها بذوقي أنا.......
تراني ما أشوف مشاركات...ماشي منافسة !!!! :)
[Only Registered Users Can See Links]

[سفيرة الملك]

[QUOTE]الرسالة الأصلية كتبت بواسطة Edbai
شرجاويــــــــة >> ياسلام عليج .. فكرتج اتجنن اختيه ..
وبطمع وبطلب منج اتصميمين واحد ثاني :)

[B]مشرفنا
معقوووووووووووله عيبك!!!
أنا نفسي مب مقتنعه بالتصميم، وأدري إنك تجامل
على العموم مشرفنا
حاليا راح أكتفي بهذا التصميم، بس أوعدكم بعد ما أطور نفسي بمجال التصميم راح تشوفون تصاميمي

[Edbai]

Milano Tiger >>>> أشكر فنّك وتلوينك ..متقن الصراحه .. كانت عيني على هالصوره .. بس غيرت رايي ..


شرجاويه .. يالله استعيلي ..



واسمحولي اضيف تصميم ثاني ..
[Only Registered Users Can See Links]


وهذا الرابط ([Only Registered Users Can See Links])

[Milano Tiger]

Edbai التصميم ما يطلع عندي ؟؟؟؟؟
يمكن اللينك مب أوكيك؟؟؟

[Edbai]

والحين؟

[سفيرة الملك]

واااااااااااااااااااااااااااو

مشرفنا Edbai تصميمك الأخير يخبل
وااااااااايد حلووو


شرجاوي وصل
تصميمك وايد حلوووووووووو
ولمسات لا تخرج إلا من مبدع

شكرا لك مشرفنا على هذا الموضوع
صدق قاعدين نستمتع بمشاهده التصاميم الجميله

[شرجاويه]

ماشاء الله تصاميمكم وايد حلوه تسلم اياديكم ...

وهذي مشاركه بسيطه مني سويتها على السريع لمجرد المشاركه معاكم :gogo:

[Only Registered Users Can See Links]

[Edbai]

شرجاوي وصل >> يا عيني عليك .. فارق حجم الحصان وتشفيفه خلا الصوره خيالية فظيعة .. تسلم إيدك على هالتصميم ..


شرجاويــــــــة >>> اشكر ذوقج واطرائج وتشجيعج للتصاميم ... بس وييييييييين التصميم؟؟ انتي مب متفرجه بس :)




شرجاويه ... فكرتج ولا يت على بالي .. ماشاالله عليج .. مع انها بسيطه بس فكرة جميله .. خاصه الفراشه :) ننتظر تصاميم ثانيه منج

[سفيرة الملك]

مشرفنا

أغلب الصور صممتوا عليها وأنا أتريا Juvestar® ينزل صور يديده وهو طول علينا

[Edbai]

شرجاويــــــــة .. في صور ماستُخدمت في التصميم .. لاتحاولين :))

[سفيرة الملك]

هههههههههههههههههه

أوكي مشرفنا ما بردك

اتريا علي في الويك اند

[شرجاويه]

وهذي مشاركه ثانيه ولو انها :thumb_06:

[Only Registered Users Can See Links]

شو رايكم بكشخته :thumb_03:

[Edbai]

هههههههههههه

حركات يا شرجاويه .. ضحكتيني .. تركيبه حلوه

[Edbai]

يالله يا أميرة المنتدى .. نبغي مشاركة منج :)

[بونورة]

وهاي تجربه من اخوكم المبتدأ بونورة


[Only Registered Users Can See Links]


:thumb_03: :thumb_03:

[شرجاويه]

حلو تصميمكم اخوي بونوره..

وسلمت يمناك..

ولا تبخل علينا بجديدك :GOGO:

[سفيرة الملك]

تصميم حلو
وخصوصا ظل القطوه

وأنا إن شاء الله راح أنزل تصميم يا الخميس أو الجمعه
وصح إنه ما يخصني في التصميم
بس محاولات خجوله لأتعلم:thumb_07:

[شرجاويه]

وهذا شئ بسيط مني ..

[Only Registered Users Can See Links]

[Milano Tiger]

هههههههه
حلوة منك شرجاويه
شو سميتي الصورة؟؟ عبود القطو ؟؟؟
لوووووووووووول

[Edbai]

وييينك عنا من زمان يا بونورة .. كنت اتريا مشاركتك .. :) فكرة القطوة حلوة ... لاحظ عين القطوه لووووول
يعطيك الف عافيه .. مشاركتك اتهمني في الموضوع




شرجاويه ..... والله انتي ظريفه :)

[سفيرة الملك]

احم احم

وهذا تصميم عشان مشرفنا (الطماع) طلبه مني
وادري مب أد المآم( على قوله إخوانا المصريين) بس هي رسالة موجه للجميع بقدر ما هو تصميم

[Only Registered Users Can See Links] sit0.jpg

[بونورة]

وييينك عنا من زمان يا بونورة .. كنت اتريا مشاركتك .. :) فكرة القطوة حلوة ... لاحظ عين القطوه لووووول
يعطيك الف عافيه .. مشاركتك اتهمني في الموضوع

شكرا يا مشرفنا العزيز على هذا الكلام وهذي مجرد تجربة من تلميذ مبتدأ


شرجاوية تصميم جميل والرسالة وصلت أختي الكريمة

[Edbai]

شرجاويــــــــة >> اسمحيلي اطمع أكثر ...بعد ماشفت تصميمك الرائع اختيه .. ماشالله عليج .. عجبني .. والرساله وصلت


اخويه بونورة .. عزيز وغالي طال عمرك :)

[Milano Tiger]

صار لي فترة ما شاركت (يوم واحد بس!!!)
مب مشكلة، هاي آخر تصاميمي....
أشوف الناس خفّت مشاركاتها في قسم الابداع
Edbai لازم نفتح قسم الدعاية و الاعلان commercial & advertisingيعني عشان الناس تشارك ويانا.....
أوكيك، شو رايكم نفتح استفتاء و الناس تختار أحلى/أحسن تصميم ؟؟؟ (عشان الناس تشارك) :)
والصورة تعبر عن آراء و فكرة :)

[Only Registered Users Can See Links]

[Edbai]

راائعة من روائع التصميم لـ Milano Tiger .. شو هالتصميم الرائع !! ماشاللله عليك ..


لازم نفتح قسم الدعاية و الاعلان commercial & advertisingيعني عشان الناس تشارك ويانا.....

وإيدي على إيدك اخويه .. هذا اللي نباه :)
شو رايكم نفتح استفتاء و الناس تختار أحلى/أحسن تصميم ؟؟؟ (عشان الناس تشارك) :)

اممم ليش لا .. شو راي الجماعة؟!

[Milano Tiger]

أنا رافع ايدي بالموافقة......
شو راي الجماعة ؟؟؟

[سفيرة الملك]

انا رافعه نص اصبع
كخخخخخخ

صراحه أنا ما أبي

[Edbai]

ليش لا؟

[شرجاويه]

تسلم الآيادي اختي شرجاويــــــــة .. تصميم جميل ورساله أجمل..

Milano Tiger ماشاء الله عليك مبدع .. سلمت يمناك ..

احم احم تبغون اتسوون Voting ما بلاش خلونا كده .. بروحها تصاميمنا على قد الحال .. انتوا ماشاء الله عليكم مبدعين .. نحنا تونا مبتدئين :)

[سفيرة الملك]

الرسالة الأصلية كتبت بواسطة شرجاويه
[
احم احم تبغون اتسوون Voting ما بلاش خلونا كده .. بروحها تصاميمنا على قد الحال .. انتوا ماشاء الله عليكم مبدعين .. نحنا تونا مبتدئين :) [/B]

ورايي من راي شرجاويه

أنا ما بمنعكم تسوون بس تصميمي لا:thumb_07:

[Edbai]

بقتراح من اخونا بومحمد ..


بفتح باب المنافسه.. على آخر عشر صور الاخيره .. وبنشوف منو احلى تصميم وبنذكر الفايز طبعا..
*واذا اتكرر فوزه انا بنفسي بصممله وسام ينحط تحت اسمه ..
يالله خلونا انشوف التنافس

[شرجاويه]

احم احم جذيه يعني يبغيلنا تصاميم مثل العالم ..

مب شرات إلي انحطهم على قد الحال..

بس يالله ما عليه المهم المشاركه :)

[سفيرة الملك]

بعد ما شفت الصور اليديدة إلا نزلهم Juvestar®
قررت اصمم
وتصميمي بيكون على قد حالي

وإن شاء الله في الويك اند

[شرجاوية الهوية]

فكره حـــــــلوه
ومشــــــاركـــــــــات أحـــــــلى..
وان شاء الله بحاول أصمم على الصور لأنها روعه وتصلح للتصاميم:thumb_016

تحـــياتــي

[Edbai]

وانا انتظر

[شرجاوية الهوية]

يلست أخبص فالفوتوشوب لين ما طلعتلي هالنتيجه

[Only Registered Users Can See Links]


:thumb_07: تمشي الحل

[Edbai]

>> شرجاوية الهوية صراحة انتي عجيبة .. ينفع بوستر محل

[Milano Tiger]

أها !!!....منافسة!!!!....المشكلة ما بكون فاضي خلال الأيام الثلاثة الياية....
يعني بتتريون علي حتى يوم الأربعاء ؟؟؟؟؟
تراني متحمس و مافيني أسوي شغل عالسريع...
و ان شاء الله الأحسن يكون الفائز/الفائزة

[شرجاويه]

كيوت تصميمج اختي شرجاويه الهوية...

ماشاء الله عليج تصميمج جميل ..

يالله يووكم المنافسيين العدليين يا Milano Tiger & Edbai :)

يالله بالتوفيق للجميع..

[بو فاطمة]

اترييوني ..... بس اول شي راح انزل ال فوتوشوب على اللاب توب مالي.... ان شاء الله خلال نهاية الاسبوع

و بسترجع ذكريات زمان ... هييييييه

[سفيرة الملك]

احم احم

بما إنه الشرجاوية اليوم فازوا ،حبيت أصمم لهم هذا التصميم على السريع
رغم إنه بسيط إلا إنه يعبر عن فرحتي بالفوز

(علما إني استخدمت صورة وحده من صور Juvestar® إلا هي صورة الشلق بس مب واضحه وايد)

[Only Registered Users Can See Links]

[Milano Tiger]

(علما إني استخدمت صورة وحده من صور Juvestar® إلا هي صورة الشلق بس مب واضحه وايد)
حلوة الشلق هاي... :)
لو عندنا بس database لصور لعيبة النادي تكون واضحة و جيدة يكون شيء طيب يعني....

[سفيرة الملك]

الرسالة الأصلية كتبت بواسطة Milano Tiger
حلوة الشلق هاي... :)
لو عندنا بس database لصور لعيبة النادي تكون واضحة و جيدة يكون شيء طيب يعني....

هههههههههههههههههههه
عيل بقول ألعاب نارية، عشان ما تعيب علي
وعن صور لعيبة النادي ، هيه والله دورت وايد وما حصلت إلا هاي الصورة وجديمة بعد، وكوني ما اعرف شيء في التصميم مشيت حالي فيها:thumb_03:
وتعال ليكون تبي تصمم عن فريق الشارجه( ترا حقوق الأفكار محفوظة )كخخخخخخخخ

وكنت بصمم عن الصغارية، بس لولا ظروف الدراسة جان نفذت، وايد مشغولة وبعد اليوم ما أعتقد أدخل المنتدى لانشغالي بادراسة .

[شرجاوي2006]

تصاميم وايد حلوه
بس عندي سؤالين
1- كيف اتحطون الصورة الي عل يمين المشاركة؟
2- من وين اجيب شعار النادي (حجم كبير) لإستخدامه في التصاميم

[سفيرة الملك]

الرسالة الأصلية كتبت بواسطة شرجاوي2006
بس عندي سؤالين
1- كيف اتحطون الصورة الي عل يمين المشاركة؟
2- من وين اجيب شعار النادي (حجم كبير) لإستخدامه في التصاميم
[align=left]
[align=center]بالنسبة لسؤالك الاول

روح للوحة التحكم ثم تحرير الخيارات وبعدين راح تحصل في نهاية الصفحة" تغيير الصورة" اضغط عليه وراح يظهر لك مجموعة صور اختار منهم وحده وبعدين أوكي.

أما إذا ما عيبك منهن شيء تقدر تاخذ صورة من جهازك أو من الانترنت وإذا حطيت من الانترنت لازم تحط رابط الصورة في المكان المخصص.

وبالنسبة لسؤوالك الثاني
أعتقد راح تحصل شعار النادي من الانترنت وإذا ماحصلت اطلب من ادارة المنتدى وهم يمكن عندهم.

[سفيرة الملك]

احم احم

كون إنه آخر تصميم صممته بسرعه، وبعد كان خاطري أصمم تصميم فيه ياهل ، وحبيت أدخل في المنافسه للمشاركه فقط، فأنا صممت آخر تصميم قبل لا أتفرغ للدراسة.

ملاحظة

وين باجي التصاميم!!!
نبي نتعرف على الفايز في أقرب فرصة.

[Only Registered Users Can See Links]

[شرجاوية الهوية]

هلا.
سويت تصميم سريع وبسيط عسب اشارك مره ثانيه..
[Only Registered Users Can See Links]

ويلا نبا تفاعل أكثر ..

[سفيرة الملك]

شفت نفسي فاضية، فانتهزت الفرصه وسويت تصميم على السريع

وتراني من متابعي صورك بومحمد وكل يوم ادخل المنتدى على السريع وأشوف الصور إلا منزلهم

[Only Registered Users Can See Links]

[Edbai]

ماشالله عليكم .. البعض بعده مستمر في المشاركة في هذا الموضوع رغم غيابي ... يعطيكم العافية


شرجاوية الهوية ... تصميمج ينفع كبطاقة اهداء الصراحة :)

شرجاويــــــــة ... ياعيني عليج .. كل يوم اتسلي وطلعيلنا تصميم من صور بومحمد :)

[Ameer]

الله يعطيكم الف الف عافية