المساعد الشخصي الرقمي

مشاهدة النسخة كاملة : اريد معلومات عن المجر

راعي الجيب
10-16-2007, 12:18 PM
السلام عليكم اريد معلومات عن المجر من حيث السكن ومعلومات السياحه والفيزا
:36_1_11:
الملك 1966
10-21-2007, 02:47 PM
والله اخوي ما عندي اي معلومات
ان شاء الله باقي الاعضاء يفيدونك
Miss Engineer
10-22-2007, 10:24 AM
المجر ويسمونها بالانجليزي هنغاريا وعاصمتها بودابيست لكن بلهجتهم "بودابيشت" لانها تنقسم الى مدينتين بودا وبيشت ومن بينهم جسر و هي مدينة تقريبا تاريخية ومعظم الكنائس الموجوده كانت عباره عن مساجد وحولت الى كنائس نتيجة الاحتلال التركي لهذي المنطقة ،،،

الفيزا اذكر قطعناها من ابوظبي ما تاخذ وقت ،،، عندهم مراكز لكن اشهر واكبر مركز عندهم هو مركز الماموث اما المراكز الباجيه فاصغر ،،، عندهم رحلات على نهر الدانوب بالسفينه اذا تبغي تتضمن عشا او اذا ما تبغي بياخذك المركب جوله فالنهر لمدة ساعه او نص ساعه كثر ما تحب ،،،

عندهم مطعم على القمة ما اذكر اسمه لكن بجانب تمثال حرمه والمطعم لازم بحجز وجو المطعم حلو وراقي وبيلك واحد يعزفلك "اونه رومانسي" ،،،

التنقل عندهم عن طريق الميترو والباصات --- مثلا نحن يلسنا اسبوع فالمجر فرحنا محطة القطار وقطعنا تذكرة مدتها 7 ايام بدل ما نقطع كل يوم والسعر اعتقد اقل ،،،

قبل سنه يوم سرت ما كانت عملتهم اليورو كانوا يستخدمون عملتهم الخاصه فيهم وكانت واااااااايد رخيصه وبدلناها فالمطار ومعظمهم يستخدمون عملتهم وما يستتخدمون اليورو ،، فتأكد شو العمله الي يستخدمونها اذا عملتهم فاصرفها من البلاد افضل لكن يوم ترجع اذا تمت عملتهم فحولها الى يورو لانها ما تسوا شي وما بيصرفولك اياها الى درهم اماراتي فالدوله ...

الجو ما اعرف بالضبط جوها في هالفتره لكن الفتره الي كنا فيها كانت اواخر 5 وبداية 6 كان الجو بارد وممطر وبشكل عام حلو ...

وسرنا مكان كانت موجوده فيه كنيسه على مرتفع ومن هالمرتفع تقدر اتشوف التشيك في الضفه الثانيه وبينهم نهر الدانوب

اتمنى اني افتدك واذا اتذكرت اي معلومات بضيفها ان شاء الله :)
بونورة
10-23-2007, 02:55 PM
اخي الكريم

هذه بعض المعلومات عن المجر

[Only Registered Users Can See Links]

اللغة الرسمية :الهنغارية

العاصمة: بودابست

أكبر مدينة بودابست

نظام الحكم جمهوري برلماني

المساحة 93،030 كم²

العملة فورينت (HUF)

هذا موقع المجر تقدر أتعرف منه أسماء المدن و الفنادق تقدر أتسوي كل حجوزاتك منه

هنغاريا الرسمي ([Only Registered Users Can See Links])

أما بخصوص العملة أدخل هذا الموقع تقدر أتعرف صرف العملة من الدرهم إلي أي عملة ثانية

صرف العملة ([Only Registered Users Can See Links])

والأخت Miss Engineer عطتك معلومات قيمة
Miss Engineer
10-23-2007, 10:56 PM
واتذكرت شي عن المجر ومعظم الدول الاوروبية لا اتفوتووون مخابزهم لانه كيكهم لذييييذ + المعجنات الثانيه ... فاخويه راعي الجيب لا تفوت التلذذ بكييك مخابزهم وكان اكثر شي ايعيبني الفطائر الي ايبيعونها في محطة القطار