الى كل من سيسافر الى ماليزيا .. أرجو الدخول

[عبدالله الحمادي]

من خلال تجاربي المتواضعه في السفر الى ماليزيا .. اضع لكم هذا الموضوع

باختصار الموضوع .. تقدرون تحطون فيه استفساراتكم عن اي شي هناك .. من الالف الى الياء وان شالله بحاول اساعدكم قدر الامكان ....

وترا كل شي يبيله تخطيط حتى تكون الرحلة ممتعة قدر الامكان ....وطبعا ماليزيا السنة هذي غير لانها تحتفل باليوبيل الذهبي لاستقلالها اضافه الى استضافتها لنهائيات امم اسيا

[OutSide The Law]

تـسـلـم اخــوي عـبـداللــه الــحــمـــادي ..

وهــذا مـوقــع دلــيــل مـــالــيــزيــا الـســيــاحــي


[Only Registered Users Can See Links]


و اتــمــنــى انــك تـكــتـب عــن مــالــيــزيــا مــع الــصــور ومـع ( قـصـه حـصـلـت مـعـاك أو شـي طـريـف أو شـي

شـد أنـتـبـاهـك وأعــجـبـك وأشــيــاء مــا أعــجـبــتــك فـي مــالـيـزيــا )

وأخـتــمـهــا بـالـنـصـيـحـه ^___^

[الذهب]

أنا طالب في الكلية التقنية في الشارقة، وقد قررت ادارة الكلية بان نذهب إلى ماليزيا لمدة اسبوع، وهذا الشيء يحصل كل سنة لطلاب السنة الثالثة لدبلوم العالي، أرجو إنك تعطينا انطباع عن هذه الدولة وشو الأمكان التي تنصحنا بالذهاب إليها وطبعاً كيف الأسعار هناك ، وأرجو إنك تزيد من عندك بعض الأشياء لنستفيد من خبرتك ، ومشكور ويعطيك العافية.

[عمران النابودة]

بارك الله بك , شكراً أخي الكريم

[الملك الخطير]

أنا مسافر ماليزيا هاي السنة وهذي بتكون اول زيارة لي لهذه الدولة فممكن


توصفلنا الاماكن الجميلة هناك

[بـ مـسـعـود ـن]

يعطيك الف عافيه اخوي

و ما قصرت

[عبدالله الحمادي]

نظرا للاقبال الشديد على الموضوع .. انا راح احط لكم الاماكن اللي سرتها وان شالله تستمتعون فيها لو زرتوها

طبعا رحلتي كانت على النحو التالي ( جزيرة بيننج - جزيرة لانجكاوي - كوالالمبور - جنتنغ هاي لاند )

وهي رحلة شبابية يعني اللي سايرين شباب مب عوايل (4 شباب)

ايضا بعض النصائح الاخوية مني لكم ..

1- أبدا لا تمشي بروحك .. وان بتطلع ،، اطلع ويا حد

2- الناس الماليزيين مسالمين .. ولكن تنقسم ماليزيا لثلاثة مجموعات : الاولى هم الماليزيين انفسهم وهم مسالمين جدا وطيبين .. الثانية: الماليزيين من اصل صيني وهذيله لا تتمصخر وياهم وخلك جدي معاهم .. الثالثة: الماليزيين من اصل هندي .. وهذيل لاتفكر ابدا تتعامل معاهم .. ناس وصخيين وحرامية وشخصيا صارت لي مشكلة معاهم بمركز برجايا اللي بكوالالمبور والحمدلله عدت على خير

3- كل فندق فيه safety box (تجوري) برقم سري .. طبعا ضبط الرقم على كيفك وحط فيه الاغراض المهمة لان ادارة الفندق غير مسؤولة عن اي غرض ينسرق

4- يوم بتطلع .. لاتشل كل بيزاتك وياك .. خذ قد ماتبغي وخل الباقي في safety box

وقبل ما ابدأ ايضا .. اعتذر لعدم وضع صور توضيحية كثيرة بسبب سرقة الكيمرا :36_1_44: ..

و الحين بسم الله نبدأ

جزيرة بيننج

الوصف: جنة خضره تبهر العين .. فيها نشاطات بحرية بالاضافة الى الاسواق الليلية والحدائق العامة .. وكلها تقريبا على شارع واحد .. فالمشي بيكون افضل وسيلة للنقل وايضا رياضة تحرك الدم في العروق :36_17_1:

[Only Registered Users Can See Links]

[Only Registered Users Can See Links] ([Only Registered Users Can See Links])

الأماكن التي تستحق الزيارة: الشاطئ - حديقة القرود - السوق الليلي - حديقة الفواكه - حديقة الفراشات

المطاعم: بصراحه انا ماكلت الا من كنتاكي وماكدونالدز هناك واسعارهم ارخص بوايد من اللي عندنا ايضا مرة كلت من مطعم (ماذكر اسمه الحين) شامي فيه مشاوي فنانة .. ومكانه مقابل السوق الليلي

الفنادق: طبعا شي وايد فنادق فنانة هناك مثل الهوليدي ان وغيره .. وبالنسبة لي سكنت في ( بي فيو بيتش BayView Beach ) وكان روعه وفيه نشاطات وايده تقدر تمارسها

الشاطئ: احذر من السباحه في البحر بسبب وجود قنديل البحر وبعض انواعه قاتلة ،،،، احلى نشاطات بحرية شفتها في حياتي .. عندكم الباراشوت رووعه بسعر 50 رنقت للواحد ويقدرون اثنينه يركبون الباراشوت بسعر 100 رنقت ... ايضا قارب الموز .. بصراحه متعه كبيرة يوم تركبه .. انتوا مثلا قروب تركبون قارب يشبه الموز وتتعلقون فيه .. ويسحبكم الطراد بسرعه كبيرة .. تجربة روعه بصراحه ....... ايضا هناك الفروسية و البانشيات و السكوترات لو تبون باسعار ارخص من اللي عندنا هنيه في البلاد... ايضا اضيف للموضوع هذا نصيحة .. ان كان الجو اوكيه وتبون تركبون الاشيا هذي فسووها في نفس الوقت ولا تتريون لين باجر .. يمكن الجو يتغير وتروح عليكم

حديقة القرود .. حديقه خضرا واسعه وفنانه .. بتحصل السبلان يتمشون حواليك وفوق الاشجار .. نصيحة لاتعلوزهم واتمشى عادي صوبهم مابيسوون لك شي .. بس ان لعوزتهم ترا قبيلة كااااااااااااااملة وراك :36_1_202020:

[Only Registered Users Can See Links] ([Only Registered Users Can See Links])

حديقة الفواكه: تقع في قمة احد الجبال في جزيرة بيننج .. الجو فيها روووووعه وفرش .. اضافه الى بوفيه الفواكه ... يقولون لك كل لين ما تشبع وببلاش!!

[Only Registered Users Can See Links]

ايضا بقرب الحديقة شي شلالات وينابيع روعه

[Only Registered Users Can See Links]

حديقة الفراشات: عبارة عن حديقة متوسطة الحجم .. الفراشات تطير من حواليك اضافة الى بركة الاسماك النادرة وايضا حديقة السحالي الكبيرة

السوق الليلي: يفتح السوق عقب الساعه 6 .. بتحصلون فيه كل السي ديات والملابس والقطع والماركات اللي تبونها .. بس تقليد نمبر ون :36_1_14: .. طبعا الاسعار كلها بتكون فوق فنصيحة يوم بتكاسرون وياه لاتنقصون 10 ولا 20 .. قصوا نص السعر ... يعني اللي ب300 .. خذوه بـ120 او 130 .. بيقول انا انسان فقير ولا انا شاري الشي هذا جيه ولا جيه لاتصدقونه وان مارضى يرخص ترا شي محلات ثانية عندها نفس الشي وبتعطيكم اياه ... ايضا اسعار السي ديات بـ4 رنقت فقط للسي دي الواحد .. وان اشتريت 10 سي ديات لك سي دي واحد مجانا.. وموضوعكم منتهي

طبعا هذا بالنسبة لجزيرة بيننج .. انتظروني قريبا وراح احط الاماكن الباجية

ايضا اختم الموضوع بنصيحة عن زيارة الاماكن هذي .. هناك مكاتب سياحة في كل مكان بالجزيرة .. روحوا لمكتب مكتب وشوفوا اللي بيعطيكم عرض ارخص للاماكن هذي .. وعن نفسي انا رحت عند اللي مقابل الفندق اللي كنت فيه .. ومكاتب السياحة بتوفر لكم المواصلات و تذاكر الدخول للاماكن

[عبدالله الحمادي]

ايضا لطلب الاخ (OutSide the law) راح احط لكم قصتين صاروا ويايه بالجزيرة .. فيها الطرافة نوعا ما..

قصة المعلاية :81:

نشيت من رقادي الساعه 8 الصبح وكنت بالحجرة ويا ربيعي ... تيلسنا في البلكونه وكنا ملانين مانعرف شو نسوي .. فربيعي بدا يدندن على الخفيف اغاني معلايه .. وشويه ودشيت الجو وياه وقمت ادق واقوم بدور الرديده (عايش الدور صح :36_11_16: ) ... فبدينا نغني وسوينا جو وحشرة الصبح ... فجأه قمنا نسمع تصفيق ويانا ولا شباب اماراتيين في بلكونه ثانيه يصفقون (رايحين فيها عيال الامارات :36_11_16: ) ونشوف اللي بالشقق اللي فوقنا وصوبنا يطالعون ومستمتعين منهم كويتيين وماليزيين وانجليز ... فاحنا نضحك وندق (شكلنا بنزل شريط قريبا :36_1_24:) .. خلص الدور وروحنا وكل واحد دش الحجرة من الشباب اللي يتسمعون ... فشوية ربيعي قال قم بندق بعد مرة علشان نوعي ربعنا (في الشقة اللي صوبنا) وبالمرة نسوي جو مرة ثانية .. فاول ما بدينا ندق ولا وحده سعودية تقول وهي محرجة بس خلاص نبغي نرقد .. طبعا ماتتصورون شو القفطة .. ومرة وحده دشينا وماطلعنا مرة ثانية من البلكونه

:36_1_4:


قصة المطر :36_1_31:

كنا في السوق الليلي اللي يبعد 10 دقايق مشي عن فندقنا .. فجأة نشوف المحلات تصكر وكل واحد يشرد .. ولا ذاك المطر الصح يطيح مرة وحده .. تصوروا الجو كان اوكيه ومايوحي ان قطرة مطر وحده بتنزل .. وحنا كاشخين على هذا الاساس .. ندور لنا تكسي مانحصل .. العربانات بعد مانحصل .. ومافي الا نحن الشباب .. نركض مرة وحده للفندق ... 10 دقايق تحت المطر علمتنا الادب ونحن نركض .. لا وفوق هذا يوم وصلنا للفندق وقف المطر .. صدق نحاسه :36_1_44:

هذي القصص وانتظروا المزيد في هذا الموضوع .. :36_1_11:

[احلى شرجاويه]

ما شـألله عليكـ

يعطيكـ العافيه عـالمعلومـات والصور

والحمداللـه عـالسلامـه مووخرااا ُ @@

[مها الكعبي]

ماليزيا عرفت بأنها سحر الشرق...


زرتها قبل سنتين


وحللت في العاصمه كوالالمبور وجزيره لانكاوي وبيننج وجنتنغ هاي لاند و مدينة ملاه يسانوي لاغون




الاماكن السياحيه في كوالامبور:


1_برجى بتروناس البرجين التوأمين الذي يقع بالقرب من شارع العرب وهذا اول شي يلفت الزائر والسائح لهما حيث يبلغ ارتفاع البرجين 425 مترا ومكون من 88 طابق

2_ china Town للتسوق بالاسعار الرخيصه والماركات المقلده عالميآ و..

3_حديقة الطيور ا وحديقة الزهور وحديقة الفراشات وحديقة بردانا

جميع هذه الحدائق موجوده في منطقه وحده وتسمى ب مجمع حدائق بردانة

ووتبعد هذه المنطقه عن العاصمه ب10 دقايق ...


طبعآ لاتنسون تشوفون عروض الطيور المضحكه مع مشاركه بعض الحيوانات الاخرى مثل القرود والخ


4_بحيرة تيتى وانجسا

جريبه من العاصمة كوالالمبور فيها مطاعم كثيره ومتعدده و تقدرون تركبون فيها القوارب مكان ممتاز جدآ للإبتعاد عن ضخب المدينه وهياتبعد عن مركز العاصمة حوالى 15 او 20 دقيقة بالسيارة طبعآ اللي بيروحهايروح في المساء للهدوء ..


هذا بالنسبه للسياحه في العاصمه وللي يبغي يعرف المزيد عن باقي الجزر يسال ولا يرده الا لسانه...



شكرآ لهذه اللفته الجميله عن سحر الشرق والشكر موصول لصاحب الموضوع


فداعه الرحمن

[بوهزاع الشرجاوي]

تسلم اخويه عبدالله ع الموضوع والنصائح الغاليه
بس بشو دقيتو المعلايه لان في طبول هناك حسب معرفتي

[يوسف اسماعيل]

[Only Registered Users Can See Links]





ساحة Merdeka Square

و يظهر في الخلف

المحكمة Court House

المنارة Kuala Lumpur Tower

البرجين Petronas Twin Towers



[Only Registered Users Can See Links]



مسجد بوتراجايا Putrajya Mosque


* في بوتراجايا *



[Only Registered Users Can See Links]




البركة هذه تشكلت بعد 10 دقائق من سقوط الأمطار !

* مع العلم أن الصورة 2 و 3 التقطتا في نفس اليوم *




[Only Registered Users Can See Links]



[Only Registered Users Can See Links]



فندق Crowne Plaza



[Only Registered Users Can See Links]



مصنع الأواني Royal Selangor Pewter

من الخارج



[Only Registered Users Can See Links]




متجر المصنع

Pewter = مادة قوية مكونة من الرصاص و القصدير و هي أفضل ما يحافظ على

حرارة أو برودة السائل

* على حسب ما فهمت من الشرح *



[Only Registered Users Can See Links]



[Only Registered Users Can See Links]




مسجد السلطان صلاح الدين عبدالعزيز شاه Sultan Salahuddin Abdul Aziz

Shah Mosque

* أو المسجد الأزرق في شاه علم Blue Mosque in Shah Alam



[Only Registered Users Can See Links]



ماليزيا ... جمال و مجد و فخامة

[عبدالله الحمادي]

حياكم الله جميعا واسعدتني ردودكم الحلوة

بشو دقيتو المعلايه لان في طبول هناك حسب معرفتي

دقينا على الطاولة واستخدمنا تقنية الصفقه الحاره :36_1_14:

["هـــزاع"]

شوقتونا لهذه البلاد

شكراً لكم جميعاً

[رزينة بوظبي]

مشكورين أخواااني والله الصور والمعلومات روووعه

[شرجاوي في القلب]

بارك الله بك , شكراً أخي الكريم

[الشرجاوي أنا]

مشكورين جميع عالمعلومات القيمة.........................

[شرجاوي موت أحبك]

والله شوقتونا لهاي البلاد ومشكوووووورين عالمعلومات